Home » , » தென் ஆபிரிக்காவுடனான முதலாவது போட்டியில் இலங்கை அணி தோல்வி.

தென் ஆபிரிக்காவுடனான முதலாவது போட்டியில் இலங்கை அணி தோல்வி.

Written By Sri Shan on Sunday, July 6, 2014 | 8:22 AM

இலங்கை தென்ஆபிரிக்கா அணியுடனான முதலாவது ஒரு நாள் போட்டியில் இலங்கை அணி 75 ஓட்டங்களால் தோல்வியடைந்தது.

இலங்கை - தென் ஆபிரிக்கா அணிகளிடையிலான 3 போட்டிகளைக் கொண்ட ஒரு நாள் தொடர் இன்று கொழும்பு ஆர். பிரேமதாஸ மைதானத்தில் ஆரம்பமாகின்றது.

நாயணச் சுழற்சியில் வெற்றி பெற்று முதலில் துடுப்பெடுத்தாடிய தென் ஆபிரிக்கா 50 ஓவர்களில் 5 விக்கெட்களை மாத்திரம் இழந்து 304 ஓட்டங்களைப் பெற்றது. தென் ஆபிரிக்கா அணி ஒரு நாள் போட்டியில் இலங்கை மண்ணில் பெற்ற அதி கூடிய ஓட்ட எண்ணிக்கை இதுவென்பது குறிப்பிடத்தக்கது.

ஹஸிம் அம்லா 109 ஓட்டங்களைப் பெற்றுக்கொடுத்தார். ஒரு நாள் போட்டியில் அம்லாவின் 13ஆவது சதம் இதுவாகும். தென் ஆபிரிக்க அணித் தலைவர் டி வில்லியர்ஸ் 75 ஓட்டங்களைப் பெற்றார்.

அஜந்த மெண்டில் 10 ஓவர்களில் 61 ஓட்டங்களுக்கு 3 விக்கெட்களைக் கைப்பற்றினார்.

பதிலுக்குத் துடுப்பெடுத்தாடிய இலங்கை அணி 40.3 ஓவர்களில் சகல விக்கெட்களையும் இழந்து 229 ஓட்டங்களை மாத்திரம் பெற்று 75 ஓட்டங்களினால் தோல்வியடைந்தது.

சங்கக்கார 88 ஓட்டங்களைப் பெற்றார். ஏனைய வீரர்களில் டில்ஷான் 40 ஓட்டங்களையும் குசல் பெரேரா 34 ஓட்டங்களையும் பெற்றனர். ஏனைய வீரர்கள் எவரும் சோபிக்கவில்லை.

இம்ரான் தாஹிர் 7 ஓவர்களில் 50 ஓட்டங்களுக்கு 3 விக்கெட்களை வீழ்த்தினார்.

போட்டியின் ஆட்ட நாயகனாக சதம் குவித்த ஹஸிம் அம்லா தெரிவானார். தொடரின் இரண்டாவது போட்டி எதிர்வரும் 9ஆம் திகதி பல்லேகல மைதானத்தில் இடம்பெறவுள்ளது.

0 comments:

Post a Comment




விளம்பரங்கள்

POPULAR POST

Powered by Blogger.